အမျိုးသမီးများအတွက် ...

ဈေးကွက်ထဲမှာ အလွယ်တကူ ၀ယ်ယူနိုင်တဲ့လျှို့ဝှက်ကင်မရာ တွေက ပုံစံအမျိုးမျိုးနဲ့ဝင်ရောက်လာတာတွေ့ရပါတယ်။ ဒီကင်မရာ တွေကို အကျိုးရှိတဲ့နေရာမှာ သုံးရင်တော့ ဘာပြဿနာ မှမဖြစ်နိုင်ပါဘူး။ ဒါပေမဲ့ ဒီလျှို့ဝှက် ပစ္စည်းလေးတွေက အမျိုးသမီးလေးတွေရဲ့အ၀တ်အစားလဲခန်းတွေမှာ တပ်ဆင်လာကြ တာကို သိရပါတယ်။ ဒါကြောင့် အ၀တ်လဲခန်းထဲမှာ လျှို့ဝှက်ကင်မရာ တပ်ဆင်ထား မထားဆိုတာသိနိုင်မယ့် အချက်တွေကို အမျိုးသမီး စာဖတ် ပရိသတ်တွေအ တွက် သိထားသင့်မယ် ထင်လို့ ဖော်ပြလိုက်ပါတယ်။ ဈေးလျှို့ဝှက်ကင်မရာတွေက သေး ငယ်လွန်းတာကြောင့် ဘယ်နားမှာ တပ်ဆင်ထားလဲဆိုတာ တော်တန်ရုံမသိနိုင်ပါဘူး။ ဒီပြဿနာကို ဖြေရှင်းဖို့ အလွယ်ကူဆုံးနည်းလမ်းက-

မိမိမှာ ပါလာတဲ့ မိုဘိုင်းဖုန်းနဲ့ စမ်းသပ်နည်း
(၁) အ၀တ်လဲခန်းထဲကို မ၀င်မီ မိမိဖုန်းကို ဖုန်းခေါ်ဆိုမှုလုပ်လို့ရမရစစ်ဆေးထားပါ။
(၂) အ၀တ်လဲခန်းထဲကိုရောက်သွားတဲ့အခါ မိုဘိုင်းဖုန်းကိုပြန်ခေါ်ဆိုမှုပြုလုပ်ကြည့်ပါ။
(၃) ဖုန်းခေါ်လို့မရဘူးဆိုရင် အဲဒီအ၀တ်လဲခန်းထဲမှာ spy camera ရှိနေဖို့များသွားပါပြီ။ ဖုန်းခေါ်မရတဲ့အကြောင်းရင်းကတော့ လျှို့ဝှက်ကင်မရာရဲ့ ဖိုင်ဘာ ကေဘယ်ကမိုဘိုင်းဖုန်းလိုင်းကို အနှောင့်အယှက်ဖြစ်စေလို့ပါပဲ။

နှစ်ဖက်မြင်မှန်နဲ့ ရိုးရိုးမှန် ဘယ်လိုခွဲခြားမလဲ
ဟိုတယ်ကြီးတွေရဲ့သန့်စင်ခန်းတွေ၊ စတိုးဆိုင်ကြီးတွေက အ၀တ်လဲခန်းတွေ၊ ဟိုတယ်အိပ်ခန်းတွေမှာ တပ်ဆင်ထားတဲ့မှန်တွေက တကယ့် ကြေးမုံပြင်အစစ်တွေလား၊ ဒါမှမဟုတ်နှစ်ဖက်မြင်မှန်Two Way Mirror) တွေလားဆိုတာ အမျိုးသမီးလေးတွေ သံသယ၀င်ခဲ့ဖူးတာရှိသလား။Two Way Mirror ဆိုတာကတော့ ကိုယ့်ဘက်ကကြည့်ရင် ကြေးမုံပြင်အနေနဲ့ပုံရိပ်ကို ပြန်မြင်နေရပေမယ့် အခြားတစ်ဖက်ကကြည့်ရင် ကိုယ်လုပ်သမျှကို တစ်ဖက်ကလူကအကုန်မြင်နေရမှာပါ။ အပေါ်ယံကြည့်ရုံနဲ့တော့ကြေးမုံအစစ်လား၊ နှစ်ဖက်မြင်မှန်လားဆိုတာသိနိုင်ဖို့အင်မတန်ခဲယဉ်းပါတယ်။နှစ်ဖက်မြန်မှန်တွေကို သိနိုင်တဲ့ လွယ်ကူရိုးရှင်းတဲ့စမ်းသပ်နည်းတစ်ခုရှိပါတယ်။

(၁) ကိုယ်ရဲ့လက်ချောင်းကိုမှန်ရဲ့မျက်နှာပြင်နဲ့ထိထားလိုက်ပါ။
(၂) ကိုယ့်လက်ချောင်းထိပ်ကလက်သည်းခွံနဲ့မှန်ထဲမှာပေါ်နေတဲ့ လက်ချောင်းလက်သည်းခွံနှစ်ခုကြားမှာ အနည်းငယ်ကွာဟနေတယ်ဆိုရင် ဒါဟာ သာ မန်ကြေးမုံပြင်ပါ။
(၃)ကိုယ့်လက်ချောင်း လက်သည်းခွံနဲ့မှန်ထဲမှာပေါ်နေတဲ့လက်ချောင်း လက်သည်းခွံနှစ်ခုဟာ တိုက်ရိုက်ထိစပ်နေသလိုဖြစ်နေမယ်။ ကြားထဲမှာ အကွာအဝေး မရှိဘူးဆိုရင်တော့ ဒါဟာနှစ်ဖက်မြင်မှန် Two Way Mirror))ပါပဲ။
ဒီလိုဖြစ်ခြင်း အကြောင်းရင်းက သာမန်ကြေးမုံပြင်တွေမှာ မှန်ရဲ့တစ်ဘက်မျက်နှာပြင်ကို ပြဒါးသုတ်လိမ်းထားပြီး မှန်ကြည့်သူဘက်က မျက်နှာပြင်မှာ တော့ ပြဒါးသုတ်လိမ်းထားခြင်းမရှိပါဘူး။ ဒါကြောင့် ကိုယ့်လက်ချောင်းထိပ်နဲ့ မှန်ထဲက ပုံရိပ်ရဲ့လက်ချောင်းထိပ်ကြားမှာ မှန်တစ်ချပ်စာကွာခြားနေတာ ဖြစ်ပါတယ်။ နှစ်ဖက်မြင်မှန်မှာတော့ ပြဒါးကိုမှန်ကြည့်သူဘက်က မျက်နှာပြင်မှာသုတ်လိမ်းထားတာမို့ လက်ချောင်းနဲ့မှန်ထဲက လက်ချောင်းကြားမှာ ကွာဟမှုမရှိတော့တာပါ။ ဒါကြောင့် ဘယ်နေရာမှာပဲဖြစ်ဖြစ်၊ မှန်ရှေ့ရောက်ရင်မှန်မျက်နှာပြင်ကို လက်သည်းထိပ်လေးနဲ့ထိကြည့်ဖို့မမေ့ပါနဲ့။ ဒါကြောင့် ကိုယ်နဲ့မသိတဲ့နေရာတစ်ခုကိုရောက်ရင် သတိလက်လွတ်ဘယ်တော့မှမနေပါနဲ့။ မိမိရဲ့ပေါ့ဆမှုက ကိုယ်ရဲ့အရှက်နဲ့သိက္ခာကို အင်တာနက်ပေါ်မှာ ကိုယ်ကိုယ် တိုင်ချပြခဲ့သလို ဖြစ်နေတာတွေအများကြီးပါ။ ဒီစာလေးကို ဖတ်ရှုမျှဝေလိုက်ခြင်းအားဖြင့် မြန်မာအမျိုးသမီးများစွာရဲ့ အရှက်နဲ့ သိက္ခာကို ကယ်တင်နိုင်လိမ့်မယ်လို့ မျှော်လင့်ပါတယ်။

လုပ်ချလိုက်ပြန်ပြီ ငါတို့ အစိုးရ .....

"မြန်မာနိုင်ငံသားများအား ပြည်ပသို့  အလုပ်လုပ်ကိုင်ရန်စေလွှတ်နေမှု ပြည်ပတွင်
အခွန်ပေးဆောင်နေမှုနှင့် မိသားစုလွှဲငွေဆိုင်ရာ ကိစ္စရပ်များအား စိစစ်ကြီးကြပ်မည် "
မြန်မာနိုင်ငံမှ ပြည်ပသို့ သွားရောက် အလုပ်လုပ်ကိုင်ရန် မြန်မာနိုင်ငံသားများအား
စေလွှတ်နေမှု၊ ပြည်ပတွင်အလုပ်လုပ်ကိုင်နေကြသည်
့ မြန်မာနိုင်ငံသားများ၏ ၀င်ငွေခွန်ပေးဆောင်နေမှု၊ မိသားစုလွှဲပို့ ငွေများအား
စိစစ်ကြီးကြပ်မှုများ ဆောင်ရွက်နိုင်ရန်
ပြည်ပတွင်အလုပ်လုပ်ကိုင်မှုကြီးကြပ်ရေးကော်မတီကို ဖွဲ့ စည်းဆောင်ရွက်လျက်ရှိကြောင်း
သတင်းရရှိပါသည်။

အဆိုပါကော်မတီအနေဖြင့် အလုပ်သမားဝန်ကြီးဌါနမှ ရွေးချယ်စေလွှတ်နေသည့် အလုပ်သမားများ၊
ပို့ ဆောင်ရေးဝန်ကြီးဌါနမှ ရွေးချယ်စေလွှတ်သည့် သင်္ဘောသားများ၊ ပြည်ထဲရေးဝန်ကြီးဌါနမှ
ရွေးချယ်စေလွှတ်နေသည့် သင်္ဘောသားများ၊ ပြည်ထဲရေးဝန်ကြီးဌါနက စိစစ်ခွင့်ပြုထားသည့်
ပြည်ပတွင်အလုပ်လုပ်ကိုင်နေသူများ၊ မြန်မာနိုင်ငံစစ်မှုထမ်းဟောင်းအဖွဲ့ (ဗဟို)၊
ပြည်ထောင်စုမြန်မာနိုင်ငံကုန်သည်ကြီးများနှင့်
စက်မှုလက်မှုလုပ်ငန်းရှင်များအသင်းချုပ် (UMFCCI)၊

မြန်မာနိုင်ငံအမျိုးသမီးရေးရာအဖွဲ့ ချုပ်၊ မြန်မာနိုင်ငံမိခင်နှင့်
ကလေးစောင့်ရှောက်ရေးအဖွဲ့ အပါအ၀င် အခြားအစိုးရအသိအမှတ်ပြုလူမှုရေးအသင်းအဖွဲ့ များ၏
အစီအစဉ်ဖြင့် ပြည်ပသို့ အလုပ်လုပ်ကိုင်ရန် မြန်မာနိုင်ငံသားများစေလွှတ်နေမှုများအား
စိစစ်ကြီးကြပ်သွားမည်ဖြစ်သည်ဟုသိရသည်။

ယင်းအပြင် ပြည်ပတွင်အလုပ်လုပ်ကိုင်နေသူများအား ၀င်ငွေခွန်ဥပဒေအရသတ်မှတ်ထားသည့်
အခွန်နှုန်းထားများသည် သင့်မြတ်မှုရှိ၊ မရှိ ပြန်လည်စိစစ်ခြင်း၊
ပြည်ပရောက်လုပ်သားများအနေဖြင့် ၀င်ငွေခွန်များအခက်အခဲမရှိစေဘဲ
ပေးသွင်းနိုင်ရန်ညှိနှိုင်းကြီးကြပ်မှုများကိုလည်း ကော်မတီအနေဖြင့်
ဆောင်ရွက်သွားရန်ရှိသည်ဟုလည်းသိရသည်။

ပြည်ပတွင်အလုပ်လုပ်ကိုင်နေသူများအနေဖြင့် မိသားစုလွှဲပို့ ငွေများပေးပို
့ရာတွင်တရားမ၀င်သောနည်းလမ်းများဖြင့် ပေးပို့ နေမှုများအစား
တရားဝင်သောနည်းလမ်းများဖြင့် ပေးပို့ လာစေန်ညှိနှိုင်းကြီးကြပ်မှုများလည်း
ဆောင်ရွက်သွားမည်ဖြစ်သည်။

ယင်းသို့ ဆောင်ရွက်ရာတွင် ပြည်ပအလုပ်အကိုင်မှုကြီးကြပ်ရေးကော်မတီအနေဖြင့် ပြည်ပသို
့သွားရောက်အလုပ်လုပ်ကိုင်ရန် မြန်မာနိုင်ငံသားများစေလွှတ်မှုများအား
စိစစ်ကြီးကြပ်မှုများပြုလုပ်ရာတွင် ပြည်ပအလုပ်အကိုင်ဆိုင်ရာဥပဒေ၊
ယင်းဥပဒေအရထုတ်ပြန်ထားသည့် စည်းမျည်းစည်းကမ်းများ၊ လုပ်ထုံးလုပ်နည်းများ၊ အမိန်
့များ၊ ညွှန်ကြားချက်များနှင့် အညီဆောင်ရွက်နေသည့် အလုပ်သမားဝန်ကြီးဌါန၊
ပြည်ထဲရေးဝန်ကြီးဌါန၊ ပို့ ဆောင်ရေးဝန်ကြီးဌါနများအပြင်
အစိုးရအသိအမှတ်ပြုလူမှုရေးအဖွဲ့ အစည်းအသီးသီးနှင့်
ညှိနှိုင်းဆောင်ရွက်ကြီးကြပ်သွားမည်ဖြစ်သည်ဟု သိရသည်။

ယင်းအပြင် ပြည်ပရောက်မြန်မာနိုင်ငံသားအသီးသီး၏ ၀င်ငွေခွန်ပေးဆောင်မှုနှင့်
မိသားစုလွှဲငွေကိစ္စရပ်များ သတ်မှတ်ချက်နှင့်အညီဖြစ်ရေး တရားဝင်ဖြစ်ရေးကိစ္စရပ်များကို
ကြီးကြပ်ဆောင်ရွက်ရာတွင် နိုင်ငံခြားရေးဝန်ကြီးဌါန၊ ဘဏ္ဍာရေးနှင့်
အခွန်ဝန်ကြီးဌါနများနှင့် ညှိနှိုင်းပူးတွဲ ဆောင်ရွက်သွားမည်ဖြစ်သည်ဟု သိရသည်။

ပြည်ပရောက်မြန်မာအလုပ်သားအသီးသီးအတွက် ၀င်ငွေခွန် သတ်မှတ်ချက်မှာ ရရှိသည့်ဝင်ငွေ၏
၁၀ ရာခိုင်နှုန်းကို သက်ဆိုင်ရာနိုင်ငံအသီးသီးရှိ မြန်မာသံရုံးများတွင်လည်းကောင်း၊
မိမိပြည်ပထွက်ခွာရန်ဆက်သွယ်ခဲ့သည့် အေဂျင်စီမှ
တဆင့်မြန်မာနိုင်ငံတွင်လည်းပေးဆောင်ရမည်ဖြစ်ကြောင်းသိရသည်။
မိသားစုလွှဲငွေများအနေဖြင့် အလုပ်သမားတစ်ဦးချင်းအနေဖြင့် အခြေခံလုပ်ခလစာ
အမေရိကန်ဒေါ်လာ ၂၀၀ အောက်ရရှိသူများသည် လစာ၏ ၃၀ ရာခိုင်နှုန်းကိုလည်ကောင်း၊ လုပ်ခလစာ
အမေရိကန်ဒေါ်လာ ၂၀၀ နှင့် ၄၀၀ ကြားရရှိသူများသည် လုပ်ခလစာ၏ ၄၀ ရာခိုင်နှုန်းနှင့်
လုပ်ခလစာ အမေရိကန်ဒေါ်လာ ၄၀၀ အထက်ရရှိသူများသည် လုပ်ခလစာ၏ ၅၀
ရာခိုင်နှုန်းကိုမိသားစုလွှဲငွေအဖြင့်မြန်မာနိုင်ငံသို့ လွှဲပို့ ပေးရန်နှင့်
ယင်းငွေကိုမိသားစုက အက်ဖ်အီးစီဖြင့် ထုတ်ယူခွင့်ရမည်ဖြစ်ကြောင်းသိရသည်။

ပြည်ပတွင်အလုပ်လုပ်ကိုင်မှုကြီးကြပ်ရေးကော်မတီကို
ပြည်ထောင်စုမြန်မာနိုင်ငံတော်အစိုးရအဖွဲ့ ၏အမိန့် ကြော်ငြာစာအမှတ် ၁၆/၂၀၀၉ ဖြင့်
၂၀၀၉ ခုနှစ် စက်တင်ဘာလ ၅ ရက်နေ့ မှ စတင်၍ဖွဲ
့စည်းဆောင်ရွက်လျက်ရှိကြောင်းသတင်းရရှိသည်။



မှတ်ချက် ။ ။
ယနေ့ မြန်မာနိုင်ငံအစိုးရ၏ ငွေလွှဲနှုန်းမှာ အောက်ပါအတိုင်းဖြစ်သည်။
အမေရိကန် ၁ ဒေါ်လာ = မြန်မာငွေ ၇ ကျပ်
အမေရိကန် ၁ ဒေါ်လာ = ၁ အက်ဖ်အီးစီ
၁ အက်ဖ်အီးစီ = မြန်မာငွေ ၇ ကျပ်
အီးမေလ်းမှ တဆင့်ဖော်ပြပါသည်။

Chatter(ချက်တာ) နှင့် Blogger (ဘလော့ဂါ)

ပထမဦးဆုံး အနေ နဲ့ ဒီခေါင်းစဉ်လေးထဲက စကားလုံး နှစ်ခု ဖြစ်တဲ့ Chatter (ချက်တာ) နဲ့ Blogger (ဘလော့ဂါ) တို့ရဲ့ အဓိပ္ပါယ်ကို အရင်ဆုံးရှင်းဖို့ လိုမယ်ထင်ပါတယ်။ Chatter ဆိုတာ Internet သုံးတဲ့ အချိန်တွေထဲက
တော်တော်များများကို online ပေါ်မှာရှိတဲ့ mIRC, Gtalk, Skype, vzochat စတဲ့ Chatting Software တွေကို သုံးပြီး မိတ်ဆွေတွေ၊ သူငယ်ချင်းတွေ၊ မိဘဆွေမျိုးတွေ၊ ဘယ်ကမှန်း မသိတဲ့သူတွေနဲ့ စကားစမြည် ဟိုဟိုဒီဒီ ပြောခြင်းနဲ့ ကုန်လွန်စေတဲ့သူတွေကို ဆိုလိုပါတယ်။ Blogger ဆိုတာကတော့ Internet သုံးတဲ့ အချိန်တွေထဲက အများစုကို Blog (Web log) လို့ ခေါ်တဲ့ Online Diary လေးတွေ ရေးသားကြတဲ့နေရာမှာ အသုံးပြုကြတဲ့သူတွေကို ဆိုလိုပါတယ်။ အခု ဒီနေရာမှာ အဓိကပြောချင်တာကတော့ Chatter (ချက်တာ) တစ်ယောက်နဲ့ Blogger (ဘလော့ဂါ) တစ်ယောက်ရဲ့ စိတ်နေစိတ်ထားတွေ၊ အရည်အသွေးတွေသူတို့ကြုံတွေ့ရတဲ့ ပတ်ဝန်းကျင်ကိုလိုက်ပြီး ဘယ်လိုဘယ်ပုံ ကွာခြားသွားတယ်ဆိုတဲ့ အချက်ကိုပဲ ဖြစ်ပါတယ်။
ဒါကိုပြောဖို့အတွက် ပထမဆုံးအနေနဲ့ Chatter တွေ ကျင်လည်ကျက်စားတဲ့ Chatting Website တွေရဲ့ သဘောသဘာဝနဲ့ Blogger တွေ ကျင်လည်တဲ့ Blog တွေရဲ့ သဘောသဘာဝတို့ကို ကျွန်တော်တို့အနေနဲ့ အရင်ဆုံးသိထားဖို့ လိုပါလိမ့်မယ်။ Chatter တွေရဲ့ ကျင်လည်ရာပတ်ဝန်းကျင်လို့ ပြောလို့ရတဲ့ Chatting Website တွေရဲ့ အကြောင်းကို စပြီးလေ့လာကြည့်ပါမယ်။ Chatter အများစုရဲ့ အဓိကကျင်လည်ရာဟာ mIRC ပါလို့ ပြောလို့ရပါတယ်…။ mIRC ထဲမှာမှ မြန်မာတွေ အသုံးအများဆုံးကတော့ Ygn chat ဆိုတဲ့ chat room (ချက်ရွမ်း)ပဲ ဖြစ်ပါတယ်။ ကိုယ့်နာမည်အရင်းကို သုံးစရာမလိုဘဲ နာမည်ပြောင်(nickname) တစ်ခုကို ကိုယ့်ရဲ့စကားဝှက် (password) တစ်ခုနဲ့ တည်ဆောက်လိုက်မယ်ဆိုရင် mIRC ထဲမှာရှိတဲ့ chat room တွေထဲက chatter တွေများစွာနဲ့ ကြိုက်သလို စကားပြောလို့ ရသွားပါတယ်။ သူကလဲ သူ့ nick နဲ့ဝင်၊ ကိုယ်ကလဲ ကိုယ့် nick နဲ့ဝင် တစ်ယောက်အကြောင်းလဲ တစ်ယောက်မသိ၊ တစ်ယောက်ကိုတစ်ယောက်လဲ မြင်ရနိုင်တာ မဟုတ်တဲ့အတွက် အဲဒီအထဲမှာ ကြိုက်တဲ့စကားလုံးကို ကြိုက်သလို ရေးနိုင်ပါတယ်။ ကိုယ်ရေးလိုက်တဲ့ စကားအတွက်လည်း ကိုယ်က တာဝန်ယူစရာ မလိုပါဘူး…။
mIRC အသုံးများတဲ့ Chatter တွေဟာ အပြင်လောကမှာလည်း စကားကို လက်လွတ်စပယ် ပြောတတ်လာပါတယ်။ လိမ်ရမှာ၊ ညာရမှာကို ရှက်တဲ့ ကြောက်တဲ့ စိတ်တွေလည်း ခေါင်းပါးလာပါတယ်…။ အစစအရာရာကို ပေါ့ပေါ့တွေးပြီး ကိုယ့်စကား၊ ကိုယ့်လုပ်ရပ်၊ ကိုယ့်အပြုအမူတွေနဲ့ ပတ်သက်ပြီး တာဝန်ယူမှု၊ တာဝန်သိမှုတွေ မရှိသလောက်ကို ဖြစ်လာတတ်ပါတယ်…။ ဒါဟာ chatting ပတ်ဝန်းကျင်ထဲမှာ အနေများတဲ့အတွက် အဲဒီအထဲကနေ ကိုယ့်ရဲ့စိတ်ထဲကို ကူးစက်လာတတ်တဲ့ ဘေးထွက်ဆိုးကျိုးတွေပဲ ဖြစ်ပါတယ်။
Blogger (ဘလော့ဂါ)တွေကတော့ Blog (ဘလော့ဂ်) ရေးကြပါတယ်။ www.blogger.com မှာ gmail account ကို သုံးပြီး Blog (ဘလော့ဂ်) တစ်ခုကို တည်ဆောက်ရယူနိုင်ပါတယ်။ Blog တစ်ခု ဖန်တီးတည်ဆောက်ဖို့ဆိုတာ chat room တွေထဲမှာလို account တစ်ခုလုပ်ပြီး ဝင် chat ရတာလောက် မလွယ်ကူဘူးဆိုတာ သေချာပါတယ်။ ဘလော့ဂ်ဆိုတာ တွေ့ကရာလူတွေနဲ့ ထွေရာလေးပါး ပြောနိုင်တဲ့ နေရာတစ်ခု မဟုတ်ပါဘူး…။ ဘလော့ဂါတစ်ယောက်ရဲ့ ပတ်ဝန်းကျင်မှာ ချက်တာတစ်ယောက်ရဲ့ ပတ်ဝန်းကျင်ထဲကလို ဘယ်ကမှန်းမသိတဲ့သူတွေ မရှိပါဘူး။ အ,လာပ သ,လာပ အရည်မရ အဖတ်မရ စကားလုံးတွေ မရှိပါဘူး…။
ဘလော့ဂါတစ်ယောက်ရဲ့ ပတ်ဝန်းကျင်မှာ သူခင်တဲ့သူငယ်ချင်းတွေ၊ သူရေးထားတဲ့စာလေးတွေကို ဖတ်ရှုအားပေးကြတဲ့ သူ့ရဲ့စာပေမိတ်ဆွေတွေ၊ သူတင်ထားတဲ့ ဓါတ်ပုံလေးတွေ၊ သူ့ရဲ့ဘဝအတွေ့အကြုံလေးတွေကို မျှဝေခံစားကြမယ့် ခံစားချက်ညီသူတွေ ရှိကြပါတယ်။ ဘလော့ဂါအများစုရဲ့ ဘလော့ဂ်မှာ သူတို့ရဲ့ အထ္တုပ္ပတ္တိအကျဉ်းကို ဖော်ပြထားကြပါတယ်။ သူ့ရဲ့နာမည်အရင်း၊ သူ့ရဲ့ဓါတ်ပုံ စတာတွေကို အမှန်အတိုင်းကို ဖော်ပြထားကြတာကို တွေ့ရပါမယ်။ အဲဒီလိုတင်ထားကြတာဟာ သူတို့ ဒီစာမျက်နှာတွေပေါ်မှာ တင်လိုက်တဲ့ စာ၊ ဓါတ်ပုံ၊ ပန်းချီ စတာတွေအတွက် သူတို့ အပြည့်အဝ တာဝန်ယူရဲတယ်ဆိုတဲ့ စိတ်ဓါတ်ကြောင့် ဖြစ်ပါတယ်…။
ဒါကြောင့် ဘလော့ဂ်တွေရဲ့ စာမျက်နှာတွေပေါ်မှာ လိမ်တာ၊ ညာတာတွေ သိပ်မပါပါဘူး။ ရိုင်းစိုင်းကြမ်းတမ်းတာတွေ သိပ်မပါပါဘူး။ ဘလော့ဂါတွေအနေနဲ့လည်း ကိုယ်ရေးလိုက်တဲ့ စာတွေအတွက် ကိုယ့်မှာ တာဝန်အပြည့်ရှိတယ်ဆိုတဲ့ အသိစိတ်ကြောင့် လက်လွတ်စပယ် မလုပ်တတ်ကြတာကို တွေ့ရပါတယ်။ ဘယ်နေရာမှာမဆို အကောင်းအဆိုး ဒွန်တွဲနေတဲ့သဘောအရ ကိုယ့်ပရိုဖိုင်လဲမဖော်ပြရဲ၊ ကိုယ်ရေးတဲ့ စာတွေအတွက်လဲ ဘာဆိုဘာမှတာဝန်မယူရဲ၊ အလိမ်အညာတွေ ရိုင်းစိုင်းကြမ်းတမ်းတဲ့ စကားလုံးတွေကိုလဲ သုံးစွဲဖို့ဝန်မလေးတတ်ကြတဲ့ ဘလော့ဂါအချို့ရှိပေမယ့် အရေအတွက်အားဖြင့် သိပ်မများ တာကိုတွေ့ရပါတယ်။ နောက်ပြီး ဘလော့ဂါတွေရဲ့ ဘလော့ဂ်တွေကို လေ့လာကြည့်တဲ့အခါ ကိုယ်ဝါသနာပါရာ တစ်ခုခုကို လိုက်ပြီး ပုံစံလေးတွေ ကွဲပြားသွားတာကို တွေ့ရပါတယ်။ ရသစာပေကို စိတ်ဝင်စားတဲ့သူကလည်း သူဖတ်ဖူးခဲ့တာလေးတွေကို မျှဝေသလို သူရေးထားတာလေးတွေကိုလည်း တင်တတ်ပါတယ်။ သုတလိုင်းဘက်ကို စိတ်ဝင်စားတဲ့သူကလည်း သတင်းသဘောမျိုးလေးတွေကို အမြဲတမ်း တင်ပေးနေတတ်ပါတယ်။ တချို့ ဓါတ်ပုံဝါသနာပါသူတွေကလည်း ဓါတ်ပုံလေးတွေ တင်ကြပါတယ်။ ဘလော့ဂါတစ်ယောက် ဖြစ်လာတဲ့သူရဲ့ ရည်ရွယ်ချက်ဟာ ချက်တာတစ်ယောက်ရဲ့ mIRC ထဲမှာ ကျူမယ်၊ အဆင်ပြေရင် gmail တောင်းပြီး Gtalk ကနေ စကားပြောမယ်… ပြီးရင် Vzochat လေးသုံးပြီး webcam လေးနဲ့ မျက်နှာလေးပါ ကြည့်လိုက်မယ်… အဆင်ပြေရင် အပြင်မှာ ချိန်းတွေ့ကြမယ်…ဆိုတဲ့ ရည်ရွယ်ချက်ထက် နည်းနည်းလောက်တော့ မြင့်သွားတယ်ဆိုတာ သိပ်ကို သေချာပါတယ်။
နောက်တစ်ခုက အားစိုက်ထုတ်ရမှုအပိုင်းပါ…။ ချက်တာတစ်ယောက်ဖြစ်ဖို့ဆိုတာ သိပ်ကိုလွယ်လွန်းပါတယ်…။ ဘလော့ဂါတစ်ယောက် ဖြစ်လာဖို့ကတော့ စစခြင်းမှာ လုံလောက်တဲ့ အားတစ်ခုစိုက်ထုတ်ရသလို နောက်ပိုင်းမှာလည်း စဉ်ဆက်မပြတ်တဲ့ အားစိုက်ထုတ်မှုတစ်ခုကို ဆက်လုပ်ပေးနေဖို့ လိုပါတယ်။ လုပ်ချင်စိတ်တစ်ခုနဲ့ အားတစ်ခုစိုက်ထုတ်ရုံပဲလား ဆိုတော့လည်း မဟုတ်သေးပါဘူး…။ ချက်တာတစ်ယောက်ရဲ့ အဆင့်ထက် အများကြီးပိုမြင့်တဲ့ နည်းပညာပိုင်းဆိုင်ရာ ကျွမ်းကျင်တတ်မြောက်မှုတွေ လိုပါသေးတယ်။ အနိမ့်ဆုံးဥပမာတစ်ခု ပေးရမယ်ဆိုရင်… chat room တွေထဲမှာ မြန်မာအသံထွက်ကို အင်္ဂလိပ်စာလုံးတွေသုံးပြီး Burglish လို ရိုက်လို့ရပေမယ့် ဘလော့ဂ်တွေထဲမှာတော့ Burglish နဲ့ ရေးထားတဲ့ဘလော့ဂ် လုံးဝမရှိပါဘူး…။ ရှိရင်လည်း ဘယ်သူမှ ဝင်ဖတ်မှာ မဟုတ်ပါဘူး။ အဲဒါကြောင့် ဘလော့ဂါတစ်ယောက်ဟာ သူ့ဘလော့ဂ်ကို အင်္ဂလိပ်လိုဖြစ်စေ၊ မြန်မာလိုဖြစ်စေ ရိုက်ပြီး တင်ကြရပါတယ်။ အင်္ဂလိပ်လိုပဲတင်တင်၊ မြန်မာလိုပဲတင်တင် လုံလောက်တဲ့ ကျွမ်းကျင်မှု တစ်ခု ကိုတော့ မဖြစ်မနေရအောင် ယူကြရတာပါပဲ…။
နောက်တစ်ခုက chatter တစ်ယောက် chat room အပေါ် စွဲလမ်းမှုနဲ့ blogger တစ်ယောက် သူ့ရဲ့ဘလော့ဂ်ကို စွဲလမ်းမှုမှာ မတူညီတဲ့ အကြောင်းရင်းတွေ ရှိနေပါတယ်။ ချက်တာတစ်ယောက် ချက်ရွမ်းတွေကို စွဲလမ်းသွားတာဟာ ဦးတည်ရာမရှိတဲ့ ပါးစပ်ဖျားက စကားလုံးတွေပေါ်မှာ သာယာတဲ့စိတ်ကြောင့် ဖြစ်ပါတယ်။ ဘလော့ဂါတွေရဲ့ ဘလော့ဂ်အပေါ် စွဲလမ်းမှုကတော့ နွေးထွေးတဲ့ ချစ်စဖွယ် သံယောဇဉ်တွေပေါ်မှာ အခြေခံပါတယ်။ ဘလော့ဂ်တွေမှာ ဘလော့ဂါနဲ့ လာရောက်ဖတ်ရှုကြသူတွေ အပြန်အလှန် စကားပြောလို့ရတဲ့ နေရာလေး တစ်ခုကို ဖန်တီးထားလို့ ရပါတယ်။ အဲဒါလေးကို Cbox လို့ခေါ်ပြီး မြန်မာဘလော့ဂါတွေကတော့ ဆီပုံးလို့ ချစ်စနိုး ခေါ်ကြပါတယ်။ နောက်ပြီး ကိုယ်တင်လိုက်တဲ့ ပို့စ် (post) တိုင်းရဲ့အောက်မှာလည်း စာဖတ်သူတွေအနေနဲ့ comment (ထင်မြင်ချက်)တွေ ဝင်ရေးပေးခဲ့လို့ ရပါတယ်။ အဲဒီအချက်လေးတွေကြောင့် ဘလော့ဂါတစ်ယောက်နဲ့ သူ့ရဲ့ဘလော့ဂ်ကို လာလည်ကြတဲ့သူတွေရဲ့ အကြားမှာ အပြန်အလှန် ဆက်နွယ်မှုလေးတစ်ခု စီးဆင်းနေတာကို တွေ့ရပါတယ်။
အဲဒါကြောင့် ဘလော့ဂါတစ်ယောက်ဟာ ဒီနေ့ သူ့ရဲ့ဘလော့ဂ်ကို ဘယ်သူများ လာလည်သွားသလဲ၊ ဘယ်သူတွေကများ ဘာတွေများ ဝင်ရေးသွားသေးသလဲ စတာတွေကို ဝင်ကြည့်… ကိုယ့်ကို နှုတ်ဆက်သွားသူတွေကိုလည်း ပြန်နှုတ်ဆက်… စတဲ့ အလုပ်တွေအတွက်နဲ့ ကိုယ့်ရဲ့ဘလော့ဂ်ကို စွဲလမ်းသွားတတ်ကြပါတယ်။ ဒါပေမယ့် ချက်တာတွေ ချက်ရွမ်းကိုစွဲလမ်းပြီး တစ်နေကုန်တစ်နေခမ်း အရေမရအဖတ်မရတွေနဲ့ စခန်းသွားနေချိန်မှာ ဘလော့ဂါတစ်ယောက်က ကိုယ့်ဘလော့ဂ်လေးကိုပြင်ဆင်မွမ်းမံ၊ ရေးချင်တာလေးတွေအသစ်ထပ်ရေး၊ ကိုယ့်ဆီ လာလည်ကြတဲ့သူငယ်ချင်းတွေကို ပြန်လည်နှုတ်ဆက်၊ အခြားကိုယ့်သူငယ်ချင်းတွေရဲ့ဘလော့ဂ်ကိုလိုက်လည်နဲ့ ကိုယ့်အတွက်လဲ အကျိုးမယုတ် သူများအတွက်လဲ အကျိုးရှိစေမယ့် အလုပ်တွေကို လုပ်နေတာ သေချာယှဉ်ကြည့်တဲ့အခါ တော်တော်လေးကိုကွာနေတာ တွေ့ရပါတယ်။
ချက်တာ (Chatter) တစ်ယောက်နဲ့ ဘလော့ဂါ(Blogger)တစ်ယောက် အဲဒီ့လို အဲဒီ့လို သူကြုံတွေ့ရတဲ့ ပတ်ဝန်းကျင်ကိုလိုက်ပြီး စိတ်ပိုင်းဆိုင်ရာရော၊ ရုပ်ပိုင်းဆိုင်ရာမှာပါ ကွာခြားချက်တွေရှိနေတာမှန်ပေမယ့် … တကယ်တမ်း အင်တာနက်ကို ထဲထဲဝင်ဝင်သုံးစွဲနေကြတဲ့ လူငယ်တွေများစွာထဲက ၈ဝ ရာခိုင်နှုန်းလောက်ဟာ ချက်တာ(Chatter) တွေပဲဖြစ်နေတာကို ဝမ်းနည်းစွာပဲတွေ့မြင်ရပါတယ်။ အခုဆိုရင် နိုင်ငံတစ်ကာက မြန်မာဘလော့ဂါတွေရဲ့အရေအတွက်ဟာ ၁၅၀၀ ကျော်လောက်ရှိလာပြီလို့ ခန့်မှန်းရတဲ့ အတွက် တကယ်တမ်းလူဦးရေနဲ့ ယှဉ်ကြည့်တဲ့ အခါ အင်မတန်မှကိုနဲ နေသေးတာကို တွေ့ရပါတယ်။
ကျွန်တော့်စိတ်ထဲမှာ ဖြစ်စေချင်နေတဲ့ ဆန္ဒကတော့ Chatting လောကကြီးထဲကို အင်တိုက်အားတိုက် နဲ့ပျော်ဝင်နေကြတဲ့ လူငယ်တွေအနေနဲ့ ဘလော့ဂါ (Blogger) တစ်ယောက်ရဲ့ဘဝကိုကူးပြောင်းစေချင်တာပဲဖြစ်ပါတယ်။ ဘလော့ဂ်ရေးတဲ့ ဘလော့ဂါ (Blogger) တစ်ယောက်ရဲ့ဘဝကို မရောက်သေးရင်တောင် ဘလော့ဂ်တွေလိုက်ဖတ်တဲ့ Blog Reader ဘဝက ချက်တာတစ်ယောက်ရဲ့ ဘဝထက် ပိုမိုပြီး အကျိုးများနိုင်မယ်ထင်ပါတယ်။ မြန်မာဘလော့ဂ်တွေကို www.google.com က Goggle Search Engine မှာ မြန်မာလို ရိုက်ထည့်ပြီး ရှာကြည့် လို့ရပါတယ်။ နောက်ပြီး မြန်မာဘလော့ဂါတွေရဲ့ ဘလော့ဂ်တွေကို တတ်နိုင်သလောက် စုစည်းထားတဲ့ ဆိုဒ်လေးတွေ ကို ညွှန်းရမယ် ဆိုရင်တော့ www.mmblogdirectory.blogspot.com, www.myanmarblogsdirectory.blogspot.com, www.myanmarblogdirectory.blogspot.com , www.myanmar-music.com/myanmarmusic/blogs.aspx , စတဲ့ နေရာလေး တွေပဲဖြစ်ပါတယ်။ ဘလော့ဂါတွေဟာ သူတို့ရဲ့ဘလော့ဂ်တွေမှာ အခြားသော ဘလော့ဂါတွေရဲ့ ဘလော့ဂ်တွေနဲ့ လင့်ခ်ချိတ် ထားတဲ့အတွက် အဲဒီ့ လင့်ခ်တွေကနေ တဆင့်လဲ သွားရောက် ဖတ်ရှု နိုင်ကြပါတယ်။

လူငယ်တွေအားလုံး ချက်တာ ဘဝကနေ ဘလော့ဂါ ဘဝကို ကူးပြောင်း နိုင်ကြပါစေဗျာ …။

နေဘုန်းလတ်

Thursday, September 13, 2007

ဒီကနေ့ ကျရောက်သည့် ၅ ကြိမ်မြောက် ကမ္ဘာ့ ဘလော်ဂါနေ့ မှာ အကျဉ်းစံ မြန်မာ ဘလော်ဂါ ကိုနေဘုန်းလတ် နဲ့ ဘလော်ဂါ ကိုဇာဂနာ ခေါ် ကိုသူရ တို့ အား ဂုဏ်ပြု လျှက်၊ အမြန်ဆုံး ပြန်လည် လွတ်မြောက် လာစေရန် ရည်ရွယ်၍ တင်ဆက် ပေးလိုက် ပါသည်။

LUCKY SEVEN (MINI MART)

၂၀၁၀ အကြို စိန်မျောက်မျောက်တို့ ကတဲ့ပွဲ (ကိုယ်တိုင် control လုပ်နိုင်ပါသည်)

အောက်က Link ကိုသွားပါ ...

http://moemaka.com/images/berumagame03.htm